Цав цагаан цасан дээр
Шав шар навчис унасан байхыг
Хармаар санагдлаа
Цаанаа л овилоггүй
Цадиггүй хүсэл
Дотроос маажаад тэр
Эрхлүүлж болдоггүй
Тэр хүслийн цаана
Ичимхий мөрөөдөл
Багтайгаа сууна
Цав цагаан цасан дээрх
Шав шаргал навчин дээр
Шархирсан анхны бороо асгархыг
Сэтгэлийнхээ толинд хармаар санагдана
Өнөөх л үглээ хүсэл
Дотроос гижигдэх нь тэр
Ижийн минь сүү
Надруу урсаж байна
Их сайхан үнэртэй
Агь ганганаас ч илүү
Надруу үерлэж байна
Сэрүүхэн гэх чимээ ч үгүй
Цав цагаахан гол байна
Аавын минь амь
Намайг аравнайлж байна
Ариг хөх тэнгэрээс
Нар болон намайг ээж байна
Аавын минь хайр
Намайг хурайлж байна
Алтан мөнгөн аргай болон
Алган дотор минь хөлөрч байна
Амьдралд намайг ургуулсан
Алтан Мөнгөн аргай
Аав ээж зүрхэндээ би мөргөж байна
Харин тэндээс хайр гэрэлтэж байна
Хайр чи надаас
Өнөөдөр л битгий яваарай
Харуусал гуниг бүхнийг
Надаас битгий хийсгээрэй
Гунигладхаа би
Чамайг илүү сайн мэдэрдэг
Гуйлгачин шиг
Чиний л өмнө сөгддөг
Хайртай амьдрал чамд би
Чиний өдөр хоног
Хэзээ ч дуусашгүйд
Атаархдагтаа би чамд хайртай
Чиний чин үгэнд
Худлаа гэж байдаггүйд
Үнэмшсэндээ чамд би хайртай байдаг
Өглөөний нар үдшийн сар чинь
Дэндүү үзэсгэлэтэй байдгийг
Мэдэрдэгтээ чамд би хайртай байдаг
Чихэнд минь алтан ээмэг гялалзаагүй ч
Чи намайг бусдын адил
Өглөө бүр сэрээдэгт
Баярласандаа би чамд хайртай байдаг
Цамцийг минь үргэлж гандуулдагт
Цаг хугацаагаа хэзээч
Зогсоодоггүйд чинь
Уурссандаа амьдрал би чамд хайртай байдаг
Шувууны жигүүр шиг
Дэвэн дүүлээсэй гэсэндээ
Шухан улаан хүслийг
Тэтгэж ивээгээсэй гэсэндээ
Эрүүл энхийг
Хэнээс ч битгий харамлаасай гэсэндээ
Ээжийн хүү аавын охинд
Аз жаргалыг ялгалгүй түгээгээсэй гэсэндээ
Шинэ он чамайг алгаа тосон угтая
Шижир алт шиг амжилт
Шинэ оны мэнд сайн сайхныг
Хүн бүхэнд хүсэе
Нар шиг гийгүүлсэн чи миний жил
Сар шиг гуниглуулсан ч чи миний л жил
Эрхэм нандин учирал хайрыг
Харамгүй надад түгээсэн хуучин он минь
Эрдэнэ шиг гялалзсан янзаараа
Эх дэлхийн цагийн хүрдэдээ үдэгдэн
Үүрд мөнхөд дурсагдаарай
Сүүдрээрээ дарах биш
Шүүдрээрээ ундаалаад одож буй
Хуучин он чамд би хайртай
Өнө мөнхийн
Үзэсгэлэнт өдрүүд минь ээ
Өөрт минь л намайг
Үнэнч байлгаж хайрла
Өнгөнд дурлуулж
Намайг битгий согтоогоорой
Өөрөөс минь л намайг
Битгий салгаж төөрүүлээрэй
Зөрлөг замын
Зөвөөр нь намайг хөтлөөрэй
Зөрүү нэгний
Нүднээс намайг нуугаарай
Андуу аашинд минь
Нүүр битгий өгөөрэй
Алтан нар мөнгөн сарны дор
Хүн шиг л байлгаж хайрлаарай
Өнө мөнхийн
Үзэсгэлэнт өдрүүд минь ээ
Өөрт минь л намайг
Үнэн шударга байлгаж хайрла
Бичлэг