Таны сэтгэлд...
бичсэн: ulaankaa, 2014-09-22, 17:35
Ширүүн бороо болж намайг норгон
Биед минь чи нэвчсэн...
Бороо болгон чамайг урсгамаар
Шаргал навчис болж намайг гуниглуулан
Зүрхэнд минь шигдсэн...
Хатсан навчис болгон чамайг хийсгэмээр
Хүйтэн салхи болон үсээр наадан
Сэтгэлийн гүнд орж шургалсан....
Хуй салхи болгон чамайг зайлуулмаар
Зөөлөн цас болон намайг уяраан
Зөн совингоор намайг урхидсан...
Хунгар болгон хаа нэгтэй чамайг орхимоор
Далдын хий үзэгдэл шиг
Чи эс бүхэнд минь шингэсэн
Чамайг би толинд туссан
Өөрийхөө дүрээс олж хардаг
Чамаас би ангижирмаар
Борооны дараах цэлмэсэн тэнгэр шиг
Үүл шиг хуйсагнуур
Чамаас би ангижирмаар
...
бичсэн: ulaankaa, 2014-09-19, 13:47
Хууртагсад
Эд мөнгөнд хууртагсад
Хууртагсад
Инээмсэглэлд хууртагсад
Хууртагсад
Эрх чөлөөнд хууртагсад
Хууртагсад
Эрх мэдэлд хууртагсад
Хууртагсад
Хүсэл тачаалд хууртагсад
Хууртагсад
Хөх бөгсөнд хууртагсад
Хууртагсад
Хүний бүхэнд хууртагсад
Хууртагсад
Хуурамч үгэнд хууртагсад
Дурлагсад
Эд мөнгөнд дурлагсад
Дурлагсад
Инээмсэглэлд дурлагсад
Дурлагсад
Эрх чөлөөнд дурлагсад
Дурлагсад
Эрх мэдэлд дурлагсад
Дурлагсад
Хүсэл тачаалд дурлагсад
Дурлагсад
Хөх бөгсөнд дурлагсад
Дурлагсад
Хүний бүхэнд дурлагсад
Дурлагсад
Хуурамч үгэн дурлагсад
Хөх тэнгэрийн дор орших
Хоёрхон төрлийн хүн
Хууртагсад бас дурлагсад...
бичсэн: ulaankaa, 2014-09-18, 16:15
Уржигдархан мэт
Чи өмнө минь ирээд
Өр зүрхээ сугалаад миний цээжинд наасан
Тэр жилээс хойш
Түм буман удаа цас майлгайлан орж
Үй түмэн удаа бороо ширүүн шаагисан ч
Өнөөдөр шиг би ингэж ихээр жиндэн дагжин чичирч байсангүй
Зүрхээ өгсөн тэр мөчийг нь улам нандигная
Өчигдөрхөн
Чи өмнө минь ирээд
Өр зүрхэнд минь өргөстэй үг шигтгэчихээд явсан
Тэр өргөс шигдсэнээс хойш
Үй түмэн итгэл цас шиг хайлж
Өч төчнөөн мөрөөдөл бороо шиг урсан арилж
Өргөстэй зүрх нулимсад норон зэвэнд идэгдэн хувхайрав
Зүрхээ сугалж авсан тэр харцнаас чинь үргэлж цочино
Өнөөдөрхөн
Итгэл өмнө минь ирээд
Ирээдүйн тухай өгүүлэх хайрын тү...
бичсэн: ulaankaa, 2014-09-01, 13:22
Ай шаргалхан намар минь. Чиний дуу чимээ, өнгө үзэмж юутай үзэсгэлэнтэй намуухан бэ. Чи миний төлөө ирж, харин би чиний төлөө төрсөн юм шиг л юу юугүй догдлох. Чиний нэгэн өдөр л би хамгийн ихээр хөөрч шинэ цүнхээ үүрээд, шинэ дүрэмт хувцасаа өмссөн чигээрээ унтах дөхдөг байлаа. Алиахан хонгорхон, гэнэн цагаахан дэрэвгэр насыг минь навчистайгаа хамт хийсгэж орхид харин дурсамжийг минь өнгө шигээ шаргалханаар зүрхэнд минь хадгалсан намар цаг минь.
Чиний чимээнээр бяцхан тойром зайрмагтаж
Чиний чимээнээр нүүдлийн шувууд буцаж
Чиний навчисны чимээтэй хамт
Миний нулимас урсаж
Чиний нэгэн шаргалхан өд...
бичсэн: ulaankaa, 2014-09-01, 08:53
Хөх тэнгэрийн хаяагаар
Хүйтний эмжээр татаж
Буцах шувуудын цуваан дуу
Будан дундуур зүсэн эгшиглэнэ...
Моддын ёроолоор чимээ түгэж
Миний шинэ өглөөд
Намар цаг иржээ
бичсэн: ulaankaa, 2014-08-27, 17:52
Өнгөрсөн өчигдөр биш
Ирээгүй маргааш бус
Төсөөлөл мөрөөдөлд байдаг
Өнгөрсөн маргааш
Ирээгүй өчигдөр
Үнэнч бус чиний хүсэл
Үнэнчийг хүссэн чиний бодол
Салхи шиг хуйсагнадаг чиний харамлалт
Бороо шиг надруу шивэрдэг чиний тачаал
Соронз шиг чамайг татаж чадах наалинхайтал
Чоно шиг чамайг тасдаж чадах бардамнал
Басамжлалаар чинь зүү сүвлээд
Зүрхэнд чинь хүлээлт хатгамалдах
Сэтгэлд чинь мөндөр шиг цус хурж
Чамд шингээсэн үнэрийг мартаж чадахгүй өвгөрөх
Өнгөрсөн өчигдөрт чи харуусаж
Ирээгүй өчигдөрт би баярлах
...
бичсэн: ulaankaa, 2014-08-27, 13:36
Харанхуйн аниргүйг хөгжөөсөн
Хачин өнгөтэй онгод хүүхэн
Хананы цаанаас нохойгоо дуудана
Хав хув хар хур тэр ч бас унтаагүй
Гудамны шонгийн сүүдэртэй
Гурайтатлаа архиралдана
Онгод авгайн сэтгэл хөөрөлд
Оройжин хууртагдана
Хялганы толгой хэрчин
Хөл мэдэн гүйх нохой
Хатуу дарсанд согтон
Хараагаараа унтах онгод хүүхэн
бичсэн: ulaankaa, 2014-08-23, 16:29
Зүрхгүйгээр бас хувцасгүйгээр
Зөнгөөрөө бас нүдээ аниастайгаа
Гутал ч үгүй ганцаархнаа
Гуниг ганцаардлыг мэдрэх мэдрэмжгүйгээр
БИ АМЬДАРЧ ЧАДДАГ
Тэр үед ертөнц
Хар өнгөөр будагдсан байдаг
Тэр гэх цагаан өнгө л
Зүүдээр минь хөтлөн зугаацдаг
бичсэн: ulaankaa, 2014-08-23, 15:44
Эзэндээ зохиогүй
Усан нүд
Усан борооноор тайвширдаг
Бүүдгэр нүд
Бухал өвсөнд дурлах
Жинхэнэ нүд
Бусдад үзүүрлэгдсэн
Ганцаардмал нүд
Хэнд ч ойлгогддоггүй
Цоож зүүсэн нүд
Хэрээний зүг удаан ширтдэг
Тавширсан нүд
Шөнийн харанхуйд айдаггүй
Цэнхэр нүд
Шүүрс алдмаар
Нууц хадгалсан нүд
бичсэн: ulaankaa, 2014-08-23, 12:46
Нэг л удаа хашгираад цээжин доторх хүлээс тайлагддаг бол...
Нэг л удаа ганцаардаад ангижрахгүйгээс ангижирдаг бол...
Нэг л удаа зугатаад дурсамж бүрээс алсардаг бол...
Нэг л удаа үнэнд бүдрээд дахин худлаад төөрдөггүй бол..
Яг одоо нэг л удаа...
Бичлэг