Зүүдтэй минь тоглоод тэр намайг анзаарахгүй :|: Зүрх цохилно, Би исгэрнэ

2012-05-09

Зүүдтэй минь тоглоод тэр намайг анзаарахгүй

Нар минь чи жаргахдаа
Намайг аваад яв
Харанхуйг, шөнийг
Харахгүйгээр
Нэг өдөр ч гэсэн
Амьдарч үзъе
     Унтахгүйгээр, нүдээ анихгүйгээр
     Өдөржин нар чамтай хамт
     Ертөнц даяар зугаалж үзъе

Зүрх сэтгэлийг минь харини
Битгий авч яваарай
Зүүдтэй минь тоглоод
Тэр намайг анзаарахгүй

     Хэрвээ би зүрх сэтгэлтэйгээ
     Чамайг дагаад явбал
     Хиргүй харгүй гэрэл гэгээг
     Би мэдэрч чадахгүй

Наргүй инээдгүй нэгэнд өдөр
Насаар минь оршин тогтнохоор
Утас адил үзүүртэй бас төгсгөлтэй
Учиг шиг үрх сэтгэлд минь
Урсаж ирээд мөстчихсөн болхоор тэр

     Нар минь чи жаргахдаа
     Намайг аваад яв
Зүрх сэтгэлийг минь
Зүүднээс аргамжчихаад
Зөвхөн нүдийг минь тэврээд яв

     Эргэж ирээд би
     Сэтгэл зүрхэндээ
     Саргүй, шөнөгүй тэр өдрийг
     Харцаараа ярьж өгөмц

Сэтгэгдэл:

Сэтгэгдэл бичих