Таны сэтгэлд...
бичсэн: ulaankaa, 2015-07-08, 00:26
Ганирхасан сэтгэлтэйгээ би
Ганцаар хонодог
Ганц нэг хаздаг ялаад л
Бүлхэрсэн цусыг минь юүлдэг
Зүрх гэдэг эрхтэн цохилж байгаа болохоор
Зүггүй тэдний тохуурхлыг мэдэрч
Зүгээр л лаагаа асаан
Өвдгөө тэвэрч суугаад
Тэдний хэрхэн цатгалдахыг ажигладаг
Төд удалгүй тэд
Миний өмнө нурмайдаг
Түмэн жорын миний цусанд
Амиа даатган өнхөрдөг
Ганихарсан сэтгэлд минь
Мянган ганцаардал цугларчихаад
Ганцхан чамаас л
Мөнхийн сүнс шиг чаргууцалдана...!
...
бичсэн: ulaankaa, 2015-06-22, 14:22
Урд шөнө нь бороо асгарсан
Урд минь зогсоод чи бороотой хамт урссан
Шүүдэр буугаагүй маргааш өглөө нь
Шүхэр минь чамтай хамт шатчихсан
Тэр бороо үсийг чинь норгочихоод
Зүрхийг чинь норгоогүй
Тэр зүрхийг чинь миний зүрх хатаачихсан
бичсэн: ulaankaa, 2015-06-18, 16:19
Орчлон тэр чигээрээ цав цагаан өнгөтэй бол яасан уйтгартай
Тэртээ дээр хар цэг тодрохгүй
Тэрээр ойртсоор шувуу болон ганганахгүй
Бөхийж, бас ургах ширхэг зэгэл өвс үгүй
Тэр өвсөн дунд шувууд өндөгөө дарахгүй
Өглөө бүр орой бүр өсгийг минь элээдэг
Хар зам ч байхгүй
Тэр замаар түмэн удаа унаж босон алхах
Алдаа оноо ч гарахгүй
Хайрлаж, хайралсандаа шаналж шаналсандаа унагадаг
Ширхэг бараан нулимас ч үгүй
Тэр нулимасыг хатаах
Тэнэмэл хар салхи ч үгүй
Орчлон тэр чигээрээ цав цагаан өнгөтэй бол
Цээжин дотор хөндүүр үүсэж
Тэр хөндүүр зайнд
Алаг эрээн аваа өгөөтэй
Амьдрал ч оршихгүй
Хувьхай цагаан орчлон байсан б...
бичсэн: ulaankaa, 2015-06-16, 17:40
Бүргэдийх шиг ичгүүргүй харцнаас
Буцаж дальдарч хулчийгаагүй
Хавсарга шиг хуйлраан дунд
Чиний гар миний уруултай болзсон
Сүү биш
Сүүдэр дагуулсан тэр болзооноос
Сүнс ч үнэр ч үлдээгүй ч...
Чиний элээсэн хаалганы наана
Дундуур сархадтай чулуудсан
Лонхны чинь хагархай л
Ичрүүргүй харцыг чинь сануулах гэж үлдээд
Исгэж шарлхасан....
Чиний хайрладаг
Энэ хурууд одоо
Цээжийг чинь ч
Уруулыг чинь ч
Өнөөхийг чинь ч илбэхгүй
Чи миний залуу байсан
Байснаас
Юу ч битгий үлдээ
...
бичсэн: ulaankaa, 2015-06-08, 11:43
Чи
Чимээтэйгээс
Чимээгүйд ирээд
Чих нь онгойгоод
ДҮЛИЙРСЭН
Талын шар үнэг
Чи
Байхгүйгээс
Байгаад ирээд
Хүсэлд төөрөөд
Зүгээ ололгүй
Өд нь ЗУЛГАРСАН
Бүргэдийн өчүүхэн зулзага
Чи
Харанхуйгаас
Гэрэлтэйд ирээд
Урсаж зүрхлэхгүй
УНТАРЧ ДУУССАН
Гол нь сугарсан ЛАА
бичсэн: ulaankaa, 2015-06-08, 07:38
Нэг хором тутамд ч
Тэр дүрийг хүсдэг нь
Мянган жил би
Амьд байхгүйд оршино
https://www.youtube.com/watch?v=YBK1ETyI5bU
бичсэн: ulaankaa, 2015-06-08, 07:22
Гунхаж ганхсаар би
Гэртээ орж ирлээ
Гуниг гэдэг донтон
Гуталнаас зүүгдсээр бас л ирж
Гутал гуниг бид гурав
Хэдэн ч бороонд норов
Утсан амьтай улаан гуниг
Ул нь салдаггүй хар гутал
Шал таазанд хавчигдсан
Шал тэнэг цонх
Шарыг минь малтан
Чулууд гэж савчина
Хөлийн хуруу бас зүрхээ чөлөөлөөд
Харсан ч үгүй онилсон ч үгүй савж орхив
харин би маргааш гутал ч үгүй, гуниг ч үгүй
...
бичсэн: ulaankaa, 2015-05-16, 12:23
www.youtube.com/watch
Анхны хайр.....Анхны хайр...Анхны бороо...хайр....Анхны хайр...Анхны мэдрэмж....Анхны хайр...Ариухан мэдрэмж...
Анхны хайр
Анхны мэдрэмж
Хэзээ ч үл мартагдах
Бороонд сэдэрдэг тэр мэдрэмж
Тэр бол
АНХНЫ ХАЙР
бичсэн: ulaankaa, 2015-05-13, 18:17
Чиний мэдэх харанхуйд
Миний мэдэх гэгээ бий
Чиний хүрэх хязгаарт
Миний хүссэн эхлэл бий
Чи нар туссан хайлмал чулуу
Би бороонд угаагдсан Болор чулуу
Цоожиндоо түүртдэггүй миний хүсэл бүхний цаана
Чиний сохор сэтгэл үргэлж томоос томоор дүрэлзэн үнс болдог
Чиний мэдэхгүй харанхуйд
Миний гайхамшигт гэгээ бийwww.youtube.com/watch
бичсэн: ulaankaa, 2015-05-09, 17:02
Ааваа
Хаана байгаа таны тэр газарт
Хэзээ ч юм хорвоогийн нэг л өдөр
Хун шувуу болон хошуу сунган очоод
Хүн болж дахин төрөхгүйгээр
Хос хун болон тантай хамт мөнхөрнө
Ааваа
Хаяг ч үгүй, Хашааны дугаар ч үгүй
Хэнд ч хэлээгүй тэр газарыг чинь
Хэзээ нэгэн өдөр би хоосноос олж очоод
Байгаагүй өдөр бүрийн тань тоогоор
Борооны дусал цуглуулаад
Тэр цугласан дусалаа
Нуур болгон мэлтэлзүүлнэ
Ааваа
Тэр нуурандаа би
Тантай хамт хөвнө
Тэгээд ээжийн тухай
Танд ярьж өгнө
Үс нь хэрхэн цайсныг
Өөрийг тань үгүйд
Дээлийх нь энгэр хэрхэн норж байсаныг
Миний нулимас ч бас зүрхийг нь
Хичнээн ихээр цоолсоныг
Мөөм нь хэрхэн жижгэрч
Таны...
Бичлэг