Таны сэтгэлд...
бичсэн: ulaankaa, 2017-03-12, 21:26
Тэртээд тэнгэрийн хаяа улайн
Дэргэд хөлдүү модод амь орно,
Оройн нарны сүүлийг
Нүүдлийн шувууд зүсэж
Одоо л хавар
Надтай болзохоор ирэв
Суурингийн өглөө илүү богиносож
Судаг жалга даган шар ус шоржигноно
Сэгсүүргэн дээлэндээ нозоорон эхлэхэд
Сэрчигнүүр салхиа туусаар
Хавар над дээр ирэв
бичсэн: ulaankaa, 2017-01-27, 11:10
Нэг л өглөө цонхон дээгүүр
Бороо уйлсаар
Хавар ирнэ
Нимгэн тэрлэгний цаанаас
Танхил охин ургах шиг
Модод нахиална,
Болжморууд зүүд төөрүүлэн,
Зураг шиг өглөөг зууж ирнэ
Бодлоос
Анхны, тэр борооны
Уяаг хөвсөөр
Зун ирнэ
бичсэн: ulaankaa, 2017-01-24, 11:14
Хүүхэд насаа санана,
Хөгшин ээжийн зуурч өгдөг байсан
Хөх тариан гурилын үнэрийг санана,
Халуун гэртээ олуул инээсэн үеэ,
Хайртай тэднийгээ...
Бүр ч их... САНАНА
Хачин сайханаас, тэр цагаас,
Холдсоор.., холдон холдсоор
Одоо,
Энэ ганцаардалд иржээ.
Тэндээс, Tэднээс, холдоход дэндүү хурдан байсан ч
Эндээс холдоход, эргээд зугтахад,
Энэ орчлон эргэх нь
Удаан,
Даанч удаан, зогссон мэт
Хүүхэд насаа санана......
бичсэн: ulaankaa, 2017-01-19, 18:12
Өнөөдөр аавыгаа саналаа. Заримдаа хэт их баярласан, эсвэл сайн сайхан зүйл болсон үед аав минь амьд, дэргэд минь байгаад намайг харсан бол гэж санаж самсаа шархиран үгүйлдэг бол заримдаа хүнд хэцүү зүйл тохиолдох үед аав минь дэргэд байгаасай, туслаасай, зүг чигийг минь зөв зааж өгөөсэй, гомдлоо нимгэлж эрхлэх юмсан гэж харуусан уйлдаг.
Ай сайхан аав минь дээ...дутуу амьдарсан он жилүүддээ харуусан дээд тэнгэрт гуниглан суугаа болов уу. Аль эсвэл туулж өнгөрүүлсэн 50-хан жил нь түмэнд алдартай хэвээрээ өдийг хүртэл хүндлэгдэн явааг хараад "Би ганц олдох амьдралынхаа цөөхөн жилү...
бичсэн: ulaankaa, 2016-12-19, 15:52
.jpg)
Борооших гэж буй
Зуны өглөө шиг
Өвлийн өглөө,
Адуундаа биш хотруу
Ажлаар явсан
Аавыгаа хүлээн,
Амбаар дээрээ суун
Өдөржин харуулдах шиг уйтгарт өглөө
Хураалттай гуалин налан
Ээрүүл эргүүлж
Амаа бөвтнүүлэн маань унших
Эмээгийнхээ
Бөгтөр сүүдэр дор
Үүрэглэн суух шиг
Амар тайван өглөө
Ээж минь цүнхээ сугалчилсаар
Гэрийнхээ зүг, аавын зүг, бидний зүг
Яаруухан алхаж ирэх шиг баяртай өглөө
Ангийн охид
Хонх шиг жингэнэсээр
Хамаг чадлаараа
Хашааны завсараар
Намайг дуудах шиг соргог өглөө
Өвлийн өглөө,
Борооших гэж буй
Бүрхэг тэнгэр шиг....
...
бичсэн: ulaankaa, 2016-12-13, 17:20
Намайг хөтөлж,
Алхуулж сургасан бидний замаар
Амьдрал урсана
Нартайд бас сартайд алхадаг
Миний замаар
Өвөл урсана...,
Өчигдөрхөн би
Тантай хамт алхадаг байсан
Өнөөдрөөс эхлээд би
Ганцаараа алхадаг болсон
Маргааш би
Бүр олууллаа алхана,
Хайлсан цас
Бидний замаар урсаж,
Хавар ирэхээр
Танруу л алхадаг
Ганцхан замтай болно
ЭЭЖЭЭ
бичсэн: ulaankaa, 2016-11-22, 10:23
Чи минь нүдрүү ширтэх нь
Цэв цэнхэрхэн далай мэт
Тэр цэнгэг далайд би
Эрхлэн шумбах загас нь
Чи минь өөдөөс инээх нь
Өглөөний шинэхэн нар мэт
Тэр нарны гэрэлд би
Дулаацан дэлгэрэх цэцэг нь
Чи минь гараас атгах нь
Эрхэмсэг намар авхай мэт
Тэр ялгуун намраар би
Зөөлөн шиврэх бороо нь
Чи минь хайлан тэврэх нь
Зүрхэнд тэмүүлэх эгшиг мэт
Тэр ховсын аялгуунд би
Мансууран уусах мэдрэмж нь
Чи минь шунан үнсэх нь
Цас лавссан шөнө мэт
Тийм нууцхан шөнөөр би
Зүүднээс сэрэх яргуй нь
Чи минь намайг хайрлах нь
Бүхэл бүтэн ертөнц мэт
Тэр дурлалын ертөнцөд би
Цэнгэн жаргах дагина нь
Чиний хязгааргүй хайрын тэнгэрт
Дүүл...
бичсэн: ulaankaa, 2016-11-16, 20:17
Гэсэж буй газар дороос
Гэрэл шиг гийж ургахад
Чи зун болчихсон байсанГэрлээрээ чамайг угаах гээд
Зун болон гэрэлтэхэд
Чи намар болчихсон
Намарыг ч бас
Нар шиг өнгөтэй болгоод чамруу урстал
Чи өвөл болчихсон
Дахиад л чиний төлөө
Цас болох гэтэл
Навч болж хатаад
Би салхи шиг хийсчихсэн
Чиний төлөө би
Цас л болж чадсангүй
Чи өөрөө цасны хүн юм
...
бичсэн: ulaankaa, 2016-11-09, 17:55
Улаан зангиа, шийдэмгий харц, дэгжин шар үс, шулуун шударга үгтэй бизнесмэн гэгддэг байсан Доналд Жон Трамп өнөөдөр АНУ-ын 45 дахь ерөнхийлөгч болов. Тэгвэл дэлхийн том гүрний удирдагч болж буй Трамп гэж хэн болох талаар түүний түүхийг бага сага сөхлөө.
Тэр бол Америкийн үл хөдлөх хөрөнгийн бизнесийн магнат, дэлхий даяар Трамп гэж алдаршсан өдгөө 70 настай Доналд Жон Трамп юм.
Хувийн амьдрал
Тэрээр анхны эхнэр болох Ивана Трамп буюу Ивана Зелчиков хэмээх Чех бүсгүйтэй 1977 онд гэрлэсэн юм. Тэдний дундаас Доналд ЖР, Иванка, болон Эрик гэсэн гурван хүүхэд мэндэлжээ. Дэлхийн алдартай хүмүүсийн ...
бичсэн: ulaankaa, 2016-11-05, 19:16
Надад дурласанд чинь би дургүй
Навч шиг хийсдэгийг минь мэдсээр байж
Намар шиг буцаад ирдэгт чинь дургүй
Үсний минь өнгийг өөрчлөгдсөнийг
Өндөр өсгийт маань элэгдсэнийг
Утасны цаана, үгс минь
Уйлж, Уярч, Уурсахын
Альныг нь ч
Андахгүй мэдэж,
Аргаддагт чинь дургүй
Инээмсэглэл минь ямар олон өнгөтэйг,
Санаа алдах минь ямар их гунигтайг,
Цээжинд минь
Цэцэгтэй зүүлт ямар сайхан зохидогийг
Зовхинд минь
Ямар аялгуу нулимас хуруулдагийг
Яг таггүй мэддэгт чинь
Би дургүй
Гэвч...,
Хайр намайг яаж согтоодгийг,
Хайрлахаараа би яагаад
Илүү их ганцаарддагыг,
Чамд яагаад үүдээ тайлдаггүйг,
Чиний сүүдрийг өнгөөр будчихаад
Тэв...
Бичлэг