Хэзээ ч би

Хэнд ч

Бурхан шиг

Тушааж үзээгүй

Хязгаар үгүй сэтгэлт

Ээжээсээ л

Бүтэх бүтэхгүйг нэхдэг

Хэзээ ч би

Хэний ч өмнө

Гүнж шиг

Танхил байгаагүй

Хэмжээлшгүй төгөлдөр

Аавыхаа л өмнө

Хатан хаан шиг

Ихэмсэг байсан

Хэзээ ч би

Хэний ч өмнө

Боол шиг

Бөхөлзөж үзээгүй

Хорвоод ганц

Ээжийхээ л өмнө

Хамгийн дуулгавартай

Зарц нь байнам

Хэзээ ч би

Хэний ч төлөө

Сэтгэлээ эмтэлж үзээгүй

Хязгааргүйд одсон

Аавыхаа л өмнө

Хагас зүрхтэй

Хамгийн үнэнч

Мөргөлчин нь болж амьдарнам

Хэзээ ч би

Хэнийг ч

Аав ээж шигээ

Хайрлаж чадахгүй