Нар мандахаар л өглөө болдог гэж
Надад хэн хэлээ юм бол?

Чамтай хамт уушийн газар суугаад 
Чин сэтгэлээ дахин нэг ярж хөндөөд 
Урсах нулимас байтугай урагдах зүрх ч үгүй болсноо
Нүдийг чинь харахдаа мэдрээд,
Баярласандаа, бас эрх чөлөөтэйгөө мэдээд,
Уйлж, урдах хундагаа олон дахин дүүргэж,
Чиний зүрхэнд чинь биш, сэтгэлд чинь ч биш
Харин тархинд чинь, бас нөгөөдхөд чинь л 
өөрийгөө үлдээхийг хүсээд,

Үүргэвчиндээ ширээнд дээрх гар утсаа
Бас, ганц үлдээсэн тамхыг чинь хамж хийгээд,
Ширхэг биш олон, бас буурал сууж эхэлсэн үсэндээ дарагдан
Ширээ дэрлэн гудайсан тэргүүнд чинь сүүлчийн удаа уруулаа хүргээд
Гарта...

 
Цээжин дотор зүрх задрах шиг

Цэнхэр сарны туяа шөнийн харанхуйг ярна..,

Ширээн дээрх асаалттай лаа 
Онгироо салхинд сорогдон хайлах нь
Онгорхой цонхонд гомдох мэт..,
Дэргэдээ хэвтэх хоосон лонхонд
Сүүлчийн хүслээ өчих мэт,

Шүлэг бичиж үзэхсэн

Шөнөөр бороо асгархыг сонсохсон

Гартаа тэр бороог мэдрээд

Ганцхан удаа гадагшаа уйлж үзэхсэн

Өрөөлийг таниагүй өөрөөсөө холдож үзэхсэн

Өнөөдрийг мэдэрдэггүй ганцаардлаасаа уйдаж үзэхсэн

Шүлэг бичиж үзэхсэн

Шөнөөр бороо асгарахыг сонсохсон 

Үгүй, чи яв
Үлдээгээд явах үнэрээр чинь 
Зүрхээ нөхөх гэсэн юм

Өмнө би чамаас
Олон удаа явсан ч
Үнэн худалд аргамжлагдаад
Чи буцаж ирсэн..,