Зүрх цохилно, Би исгэрнэ

Хараагаараа унтах онгод

бичсэн: ulaankaa, 2014-08-27, 13:36

Харанхуйн аниргүйг хөгжөөсөн
Хачин өнгөтэй онгод хүүхэн
Хананы цаанаас нохойгоо дуудана
Хав хув хар хур тэр ч бас унтаагүй

Гудамны шонгийн сүүдэртэй
Гурайтатлаа архиралдана
Онгод авгайн сэтгэл хөөрөлд
Оройжин хууртагдана

Хялганы толгой хэрчин
Хөл мэдэн гүйх нохой
Хатуу дарсанд согтон
Хараагаараа унтах онгод хүүхэн

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Зүрхгүйгээр амьдарч чаддаг

бичсэн: ulaankaa, 2014-08-23, 16:29

10347802_725868487485470_4072213859677038466_n

Зүрхгүйгээр бас хувцасгүйгээр
Зөнгөөрөө бас нүдээ аниастайгаа
Гутал ч үгүй ганцаархнаа
Гуниг ганцаардлыг мэдрэх мэдрэмжгүйгээр
БИ АМЬДАРЧ ЧАДДАГ

Тэр үед ертөнц
Хар өнгөөр будагдсан байдаг
Тэр гэх цагаан өнгө л
Зүүдээр минь хөтлөн зугаацдаг

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Зохиогүй нүд

бичсэн: ulaankaa, 2014-08-23, 15:44

Эзэндээ зохиогүй
Усан нүд
Усан борооноор тайвширдаг
Бүүдгэр нүд
Бухал өвсөнд дурлах
Жинхэнэ нүд
Бусдад үзүүрлэгдсэн
Ганцаардмал нүд

Хэнд ч ойлгогддоггүй
Цоож зүүсэн нүд
Хэрээний зүг удаан ширтдэг
Тавширсан нүд
Шөнийн харанхуйд айдаггүй
Цэнхэр нүд
Шүүрс алдмаар
Нууц хадгалсан нүд

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Яг одоо нэг л удаа

бичсэн: ulaankaa, 2014-08-23, 12:46

Нэг л удаа хашгираад цээжин доторх хүлээс тайлагддаг бол...
Нэг л удаа ганцаардаад ангижрахгүйгээс ангижирдаг бол...
Нэг л удаа зугатаад дурсамж бүрээс алсардаг бол...
Нэг л удаа үнэнд бүдрээд дахин худлаад төөрдөггүй бол..

Яг одоо нэг л удаа...

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Хэзээ нэгэн цагт би ээж болно

бичсэн: ulaankaa, 2014-08-22, 11:44

10516739_677759468999022_3050246777398886790_n
Хэзээ нэгэн цагт би ээж болно

Хэвлийдээ халуун амь бүтээнэ

Бие болоод сэтгэлээ

Хайраар сүлээд хуваана

Бүтэн шөнийг хагаслаад

Үрдээ өөрийгөө зориулна

Хэзээ нэгэн цагт би ээж болно

Хэлтэрч хагарсан сэтгэлээ

Бүтэн болгоод зөөллөнө

Элээний сүүдэр тусахгүй гэсэндээ

Зүрхэн дотроо шигтэгнэ

Эргэх амьдрал байдаг бол

Эжий заяанд л дахин төрнө

Хэзээ нэгэн цагт би ээж болно

Хэн ч бүтээж чадахгүй

Тийм хүмүүнийг урлана

Халуухан хошуунд нь дулаацна

Хамаг орчлонг өнгөтөөр харна

Хэзээ нэгэн цагт би ээж болно
Харыг зайлуулж цагааныг татана

Хүйтэн халууныг үл анзааран

Хорвоо ертөнцийг туулна

...

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Дэр модон дээр...

бичсэн: ulaankaa, 2014-08-08, 12:43

Галт тэрэгний
Хуучин дэр модонд
Ганцхан миний хөлийн мөр гараагүй

Дэр модон дээр толгойгоо тавиад
Тэнгэрээс түүнийг явуулаач гэж харуулдсан

Чийг даасан үүрээр
Тэрнээс салаад явсан
Тэр өдрийн мэдрэмж
Одоо ч надаас салаагүй

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Өөртөө согтоо

бичсэн: ulaankaa, 2014-07-01, 19:30

Дурлалын тойрог минь
Битгий тасар

Дугуйран эргэлдсэн хэвээрээ
Тархи толгойг минь эргүүл

Эрмэгтэй биет болон
Битгий намайг зүс

Энэ чигээр минь л
Өөртөө согтоон мөнхөл

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Түймэр тавьдаг

бичсэн: ulaankaa, 2014-07-01, 19:27

Тэмээлзгэнэ минь
Чиний чимээгүй нисэлт
Тэртээ холоос аниргүйхэн ирээд
Түрмэгхэн өөрчлөгдсөн
Бодол санаанд минь
Түймэр тавь орхидгийг чи мэдэх үү

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Энэ хайр гэдэг чинь

бичсэн: ulaankaa, 2014-06-09, 17:06

10367177_643211509095551_2670248085505104500_n(1)

Ямар гээч гэгээлэг ертөнц вэ
Энэ хайр гэдэг чинь
Яс маханд минь шингэсэн
Гуниг гутралыг үргээгээд

Үхэхгүй юм шиг санаж
Үүрд гэж амлаад л
Үүлэн дээр хөвж
Усан дээр алхаж амьдраад л

Ямар гээч гэгээлэг ертөнц вэ
Энэ хайр гэдэг чинь

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих

Зүүд ёрын зөнтэй

бичсэн: ulaankaa, 2014-05-22, 13:10

Зүүд ёрын зөнтэй

Сав саруул аав минь
Салхины аясаар
Нөмгөн тэрлэгтэй
Туугдан алхан одсон

Тэр нэгэн ёрын зүүд
Тэнгэрт очиж биелчихээд
Хангай шиг сайхан аавыг минь
Хайрцаглаад харанхуйруу одсон

Зүүд ёрын зөнтэй болохоор
Зүүдээ манахыг би хүсдэггүй

[Дэлгэрэнгүй...]

төрөл:Үгийн эвлүүлэг
сэтгэгдэл: | Сэтгэгдэл бичих