Таны сэтгэлд...
бичсэн: ulaankaa, 2015-05-13, 18:17
Чиний мэдэх харанхуйд
Миний мэдэх гэгээ бий
Чиний хүрэх хязгаарт
Миний хүссэн эхлэл бий
Чи нар туссан хайлмал чулуу
Би бороонд угаагдсан Болор чулуу
Цоожиндоо түүртдэггүй миний хүсэл бүхний цаана
Чиний сохор сэтгэл үргэлж томоос томоор дүрэлзэн үнс болдог
Чиний мэдэхгүй харанхуйд
Миний гайхамшигт гэгээ бийwww.youtube.com/watch
бичсэн: ulaankaa, 2015-05-09, 17:02
Ааваа
Хаана байгаа таны тэр газарт
Хэзээ ч юм хорвоогийн нэг л өдөр
Хун шувуу болон хошуу сунган очоод
Хүн болж дахин төрөхгүйгээр
Хос хун болон тантай хамт мөнхөрнө
Ааваа
Хаяг ч үгүй, Хашааны дугаар ч үгүй
Хэнд ч хэлээгүй тэр газарыг чинь
Хэзээ нэгэн өдөр би хоосноос олж очоод
Байгаагүй өдөр бүрийн тань тоогоор
Борооны дусал цуглуулаад
Тэр цугласан дусалаа
Нуур болгон мэлтэлзүүлнэ
Ааваа
Тэр нуурандаа би
Тантай хамт хөвнө
Тэгээд ээжийн тухай
Танд ярьж өгнө
Үс нь хэрхэн цайсныг
Өөрийг тань үгүйд
Дээлийх нь энгэр хэрхэн норж байсаныг
Миний нулимас ч бас зүрхийг нь
Хичнээн ихээр цоолсоныг
Мөөм нь хэрхэн жижгэрч
Таны...
бичсэн: ulaankaa, 2015-05-09, 15:04
Өөрөөс минь өөр хэн ч мэдэхгүй чиний төлөө
Өр сэтгэлд буй зүрхийг умартан шуналтав
бичсэн: ulaankaa, 2015-05-04, 16:36
«Би уй гашуугаа живүүлж хаях гэсэн чинь энэ муухай юм нь сэлж чаддаг юм байна...» Фрида Кало
бичсэн: ulaankaa, 2015-05-02, 11:10
бичсэн: ulaankaa, 2015-05-01, 16:12
Хаврын хуйсгануур салхинд хуйларч явсаар жил бүр л модод аль хэдийн ногоороод дэлгэрчихсэн үед нь гэнэт олж хардаг.
Харин одоо л, энэ хавар л зайрмагтаж, царцсан зангаа тогтоож хүлж байгаад нахиалан гөлөглөхийг нь олж харах юм шүү.
Дагтаршиж зовнисон бодлууд хаврын хавсаргатай хамт хийсэг. Нарт мөрөөдлүүд минь л харин навчистай хамт дэлгэрэг....
бичсэн: ulaankaa, 2015-05-01, 15:18
Шувуу болон чамруу нисэх гэхээр
Далавчинд минь
Хавтас нь нимгэрч салбарсан
Хачин дэггүй үгстэй
Дурсамж
Зүүгдчихээд
Нисгэхгүй нь
Загас болон чамруу сэлэх гэхээр
Загалмайг минь
Өнгөнөөс өөр үзэсгэлэнгүй
Өөрийн гэсэн үнэргүй
Усан ургамал
Таглачихаад
Сэлүүлэхгүй нь
Эрвээхий болон Чамруу очих гэхээр
Замыг минь
Хачин хартай бодол
Хаврын салхинд хийсээд
Хад чулуутай харшин
Гал болон түймэрдээд
Явуулахгүй нь
Адуу болон чамруу давхих гэхээр
Хүсэл, зүрхийг минь
Хөлтэй минь хамт чөдөрлөсөн
Аргамжаатай нэг л төрх
Араас минь уяад
Давхиулахгүй нь ээ...
бичсэн: ulaankaa, 2015-05-01, 14:59
Ирэн
Буцан
Ирэн
Буцан
Эргэлдэнэ!
Дэнгийн эрвээхий шиг
Энэ амьдрал чинь
Шатаж дуусдаг тоглоом биш
бичсэн: ulaankaa, 2015-04-30, 10:13
Өөөрийгөө таньж мэдэхийн тулд хүнд ер нь хэдий хэмжээний цаг хугацаа хэрэгтэй юм бол. Хүнийг таньж мэдэхийг бодохын ч хэрэггүй юм байна. Мэдэх гэж бүр хичээх ч хэрэггүй. Яагаад гэвэл тэр хүн бол зөвхөн тэр л хүн. Тэр ч байтугай миний дотор байгаа, миний өөрийн мэдээгүй тэр нууц хүн бас л тэр л үл мэдэгдэх хүн.
Хэн нэгэнд байгаа зан надад байхгүй гэж бодохын ч хэрэггүй аж. Тэр зан юугаар хэрхэн илрэх нь хамгийн сонин бас аймшигтай. Аймшигтай гэдэг нь бухимдал уур, цухал.
Өөрийгөө таньхыг оролдов. Бас дүгнэхийг хичээв. Учир нь би гэдэг хүн чинь дотроо бөглөрөөд зүрх сэтгэлээ дүлийрүүлчихэж...
бичсэн: ulaankaa, 2015-04-22, 13:21
Чамтай хамт шатаж, Бадамлаж хоносон тэр шөнө
Есөн давхар байшингийн хамгийн дээд давхарт би
Цонхныхоо цаанаас гал болон дүрэлзэж
Өглөөний өнгийг хүлээн дутуу унтах болжморын биед
Өөрийн биеэ орхин онгод болон шингэсэн
Чамтай хамт шатаж сэрсэн тэр өглөө
Бээрч хоноогүй миний онгодтой богширгоны жиргээг
Могой шиг гулсалдан
Зам дээр бөглөрөх моторт тэрэгний дуу ч дарж чадаагүй
Чамтай хамт шатаж хоносны маргааш
Бие минь оюун санаагүй ажлын ширээний ард үхжиж
Харин тэр оюун санаа
Хаа сайгүй газар эрхсээр дуулан, дүүлэн нисэж байдаг
Чамтай хамт шатаж хонох бүрийд
Хэзээ ч сэмээргүй байдаг
ЗҮҮД минь
Чамтай хамт ...
Бичлэг